विजय रामको घट्नामा ३ जना प्रहरीहरु निलम्वन ।

कटहरिया एफ एम न्युज डेस्क 

रौतहट १६ भदौ ।

रौतहट । रौतहटको गरुडा स्थित दलित बिजयराम हत्या प्रकरणमा एकजना ईन्स्पेक्टर सहित ३ प्रहरी निलम्बनमा परेका छन । प्रहरी हिरासतमा रहेका बिजयराम लाई चरम यातना दिएको भन्दै ईन्स्पेक्टर निविन कुमार सिंह सहित ३ प्रहरी निलम्बनमा परेका हुन । गरुडा न.पा.वडा नं.८ बसविट्टी जिंगडिया वस्ने वर्ष २० को निरन्जन रामलाई घाँटी काटी कर्तव्य गरी मारेको घटनाको अनुसन्धानमा ईलाका प्रहरी कार्यालय गरुडाले पक्राउ परेका विजय महरा समेतको सोधपुछमा संलग्न जिल्ला प्रहरी कार्यालय, ईन्स्पेक्टर नविन कुमार सिंह, प्र.ह. हिरोज मियाँ धुनिया र प्र.ह. मन्नु कुमार सिंहको सहभागिता थियो । उक्त घट्नाको सम्बन्धमा प्रहरी निमावली २०७१ नियम ११५ को देहाय (४) वमोजिम थप अनुसन्धान तथा जाँचबुझ समाप्त नहुन्जेलसम्मको लागि निलम्वन गरि दिन हुन भनि जिल्ला प्रहरी कार्यालय, रौतहटको अनुरोध वमोजिम प्र.नि. नविन कुमार सिंहलाई गृह मन्त्रालय (सचिवस्तर) को मिति २०७७।०५।१५ गतेको निर्णयानुसार श्री गृह मन्त्रालय, प्रहरी कर्मचारी प्रशासन शाखाको च.नं.८९ मिति २०७७।०५।१५ गतेको पत्रले प्रहरी निमावली २०७१ नियम ११५ को देहाय (४) वमोजिम थप अनुसन्धान तथा जाँचबुझ समाप्त नहुन्जेलसम्म ६ महिना अवधिको लागि निलम्वन गरिएको छ । साथै प्रहरी हवल्दारद्वय हिरोज मियाँ धुनिया र मन्नु कुमार सिंहलाई २ नं.प्रदेश प्रहरी कार्यालय जनकपुरधाम, धनुषाको च.नं.३२५ मिति २०७७।०५।१५ गतेको पत्रले प्रहरी निमावली २०७१ नियम ११५ को देहाय (४) वमोजिम थप अनुसन्धान तथा जाँचबुझ समाप्त नहुन्जेलसम्मको लागि समेत निलम्वन गरिएको रौतहटका प्रहरी प्रमुख एसपी रबिराज खड्काले बताएका छन ।

 

प्रतिकृया दिनुहोस